Lingua Siciliana Unificata

[Durnisi]

Semu tutti d'accordu ca u sicilianu è na lingua vera. Comu putemu standardizzari a lingua siciliani cu rìuli fissi? Vulissi criari nu discorsu beddu, ntiliggenti, e criativu. A nostra lingua nun cancia assai zona pi zona e di cunziguenza putemu facìrini essiri ntisi di tutti. Ma grazzii ô campanilismu semu troppu orgugghiusi di li nostri parrati lucali e di sòlitu i linguisti siciliani nun ponnu essiri d'accordu picchì vonnu mpuniri a grammàtica di li zoni proprii. Vabbò picciotti chi nni dicemu?

[antoninus]

Semu tutti d'accordu ca u sicilianu è na lingua vera. Comu putemu standardizzari a lingua siciliani cu rìuli fissi? Vulissi criari nu discorsu beddu, ntiliggenti, e criativu. A nostra lingua nun cancia assai zona pi zona e di cunziguenza putemu facìrini essiri ntisi di tutti. Ma grazzii ô campanilismu semu troppu orgugghiusi di li nostri parrati lucali e di sòlitu i linguisti siciliani nun ponnu essiri d'accordu picchì vonnu mpuniri a grammàtica di li zoni proprii. Vabbò picciotti chi nni dicemu?

E u sicilianu di Bruculinu unni u mettemu?

[Nicheja]

Ju penzu ca a nostra lingua si po unificari sulu parrannula sempri, cu tutti, e supra a tuttu facennula arrivari supra 'i mass-media e nta li scole.
'Un criu a 'na lingua unificata di li prufissura, ma iddi putissiru fari 'na cosa 'mpurtanti: dari a lu Sicilianu 'na grafia unica, dicidennu supra l'accenti circonflessi, l'apostrofi e autri cosi accussì. Fussi 'n passu 'mpurtanti.

[Nicheja]

E u sicilianu di Bruculinu unni u mettemu?

Supra a tanti aspetti è 'u sicilianu cchiù autenticu. Comu i Siciliani d'America fanno parti da Nazzioni Siciliana senza comu chiddi ca stannu 'n Sicilia.

[Durnisi]

E u sicilianu di Bruculinu unni u mettemu?

Suttascrivu zoccu dissi Nicheja. Essennu mmigrati di n'autra ebbica i sìculumiricani annu tinutu na lingua cchiossai pura di chidda ca è presenti parrata nta Sicilia. Cc'è puru u finòminu di "sigglish", na misculazzioni tra u sicilianu e l'ingrisi. Naffetti ci sunnu ìtalumiricani di ogni riggiuni ca parranu ntâ lingua lucali tipu abbruzzisi, napulitanu, pugghisi, ecc, e pinzanu ca stannu parrannu n talianu picchì è a lingua di li avi d'iddi.

[Durnisi]

Ju penzu ca a nostra lingua si po unificari sulu parrannula sempri, cu tutti, e supra a tuttu facennula arrivari supra 'i mass-media e nta li scole.
'Un criu a 'na lingua unificata di li prufissura, ma iddi putissiru fari 'na cosa 'mpurtanti: dari a lu Sicilianu 'na grafia unica, dicidennu supra l'accenti circonflessi, l'apostrofi e autri cosi accussì. Fussi 'n passu 'mpurtanti.

Prufissura comu a prof. Ruffino ca studia assai a lingua ma nun smetti di chiamàrilla ancura nu dialettu?

Ccà sutta cci sunnu pruposti già fatti... chi nni pinzamu?

http://scn.wikipedia.org/wiki/Paggina_principali - U cristianu ca fici ssa wikipedia avi criatu na standardizzazzioni simprici e aliganti.

http://www.linguasiciliana.org/ - Sicunnu a mia a grafìa e i vucabbuli mancu mali sunnu. È pure una risorsa bella per i nostri amici non-siciliani che vogliono imparare la nostra lingua.

http://www.terralab.it/xbaSishilFonet.htm - E chissu.... piddaveru fora è!

Chi nni pinzati di l'usu di la "X" e la "K" ntâ lingua siciliana? Furu prisenti nnâ lingua antica ma sti jorna antiquati sunnu?

[Nicheja]

Chiddu di li "prufissura" esti 'n vecchiu problema: tanti dicinu, come esempiu, di vuliri 'nsignari la storia di Sicilia nta li scoli ma...appuntu, quali storia? Chidda fausa, o chidda vera?

Ppi chissu dicu ca la megghiu cosa ca putemmu fari è adoprari la lingua. Pippu D'Angelo, Sicilianu d'Australia e bonu amicu nostru, accuminciau propriu la Wikipedia 'n Sicilianu. Strata facennu, cancia 'n pocu la so pinioni supra a certi soluzzioni c'havia adopratu prima, e chissu ci fa ancora chiossà anuri, pirch^ sapi arraggiunari e turnari supra a strata fatta. Fussi bono scrivirinni a la Wikipedia e accuminciari a ajutarillu!

Ju sugni di la pinioni ca la k e la x si ponnu adoprari: arricordanu un poco la nostra grecità...

[Decimo]

Semu tutti d'accordu ca u sicilianu è na lingua vera. Comu putemu standardizzari a lingua siciliani cu rìuli fissi? Vulissi criari nu discorsu beddu, ntiliggenti, e criativu. A nostra lingua nun cancia assai zona pi zona e di cunziguenza putemu facìrini essiri ntisi di tutti. Ma grazzii ô campanilismu semu troppu orgugghiusi di li nostri parrati lucali e di sòlitu i linguisti siciliani nun ponnu essiri d'accordu picchì vonnu mpuniri a grammàtica di li zoni proprii. Vabbò picciotti chi nni dicemu?

Trascrivo la stessa frase in "Siciliano" ibleo:

Siemu tutti r'accuoddu c'ô sissilianu ddhièni 'na lengua vera. Comu putissi·nu standaddizzari a lengua sissiliana ccu rièuli pricisi? Vulissi criari 'n riscussu beddu, antilliddghienti, e uriddhjinali ("criativu" è un italianismo forzatissimo). A nosttra lengua 'n cancia assai ri paisi a ppaisi (la parola "zon(n)a" è una parolaccia) e ri consicutu (cunziguenza????) putiemu fàrini accapiri (spero di aver compreso la tua perifrasi parecchio vertiginosa) ri tutti. Ma ppô campanilismu siemu ttruoppu priàti ("orgogghiusi"?) rê nosttri parrati lucali e ri sòlitu i lenguisti sissiliani 'n puonu 'sìri r'accuoddu pacchini vuonu "mpuniri" (che significa?) a rammatica rê sà paisi. Vabbuò, picciuotti, cchi ni riciemu?

[Decimo]

Chiddu di li "prufissura" esti 'n vecchiu problema: tanti dicinu, come esempiu, di vuliri 'nsignari la storia di Sicilia nta li scoli ma...appuntu, quali storia? Chidda fausa, o chidda vera?

Ppi chissu dicu ca la megghiu cosa ca putemmu fari è adoprari la lingua. Pippu D'Angelo, Sicilianu d'Australia e bonu amicu nostru, accuminciau propriu la Wikipedia 'n Sicilianu. Strata facennu, cancia 'n pocu la so pinioni supra a certi soluzzioni c'havia adopratu prima, e chissu ci fa ancora chiossà anuri, pirch^ sapi arraggiunari e turnari supra a strata fatta. Fussi bono scrivirinni a la Wikipedia e accuminciari a ajutarillu!

Ju sugni di la pinioni ca la k e la x si ponnu adoprari: arricordanu un poco la nostra grecità...

Anveci iu sugnu rô pareri câ k 'n ci ficca nènti ccâ parrata iblea.
Rui sù i cosi: amprimu: nunn' esisiti a Mmuorica a littra "k" savvu ppì "cchistu" e "cchiddu" (ca ppuoi s'avissar'a scrirri "quistu" e "quiddu"), e arruoddu a tutti ca ccàni ciovi e nun chiovi; sicunnu: ddhiè anutili siccari ri strummintarini littri sulu ppì sbbracari o liami ca ni tieni 'ntô 'ruppu rê lengui Italu-Rrumançi supra a fassa ligna rô Còçu ca ddhiani stapi ppì sparri sulu pacchin'i sà sturiusi ànu risiatu 'i canciari tutti cosi acchìn'a sà lengua nunn' assumiddhiassi cciùi a cchidda parrata 'ntô continenti (e parru rô 'talianu, micca rô franzisi!).
A x 'n sacciu unni 'na putissi·nu mintri! Jutini tu vistu ca vulissu·tu ammintuari a 'recitati... 'recitati! Am'a 'ssiri ppì fozza 'raccusini stunati? Appi·nu 'reci, Rumani, Saracini, Nommanni, 'spagnuoli e 'n auttri tanti! Fuossi ca 'n'avissi·n'a futtri a ccasu littri ppì rriuddarini ca siemu 'na ddhienti ri sciavi e colunizzati?? Ma ppì ffauri!
Ddhiani u sapiemu tutti! Si ss'aviss'a ffari 'n siçilianu comuni si piddhia chiddu ri Palemmu, ri Ddhjiddhienti o ri Catania! Menttri si scoddunu u Muoricanu, u Rausanu e u Puzzaddisi!
Viriemu cchi bbi strummintati...

[Durnisi]

Ddhiani u sapiemu tutti! Si ss'aviss'a ffari 'n siçilianu comuni si piddhia chiddu ri Palemmu, ri Ddhjiddhienti o ri Catania! Menttri si scoddunu u Muoricanu, u Rausanu e u Puzzaddisi!
Viriemu cchi bbi strummintati...

........

Giovanni Antonio Di Giacomo (Vann'antò), pueta rausanu
n. 1892 a Rausa
m. 1960 a Missina

M'ama la bella mia

" M'ama la bella mia, sempri m'arriri:
quannu vuògghiu, rispunni a la ciamata. "
" A la mia bella ci manca la firi,
nun ci po' crirri, no, ri quantu è amata. "

" La mia bella è 'nu specciu, ca t'ammiri
e la to' fiura c'è sempri stampata... "
" La mia gioia si viri e nun si viri:
e primavera 'n mienzu a l'invirnata. "

" Iu vincii ni la ddutta ri l'amuri
ccu 'n attu ri curaggiu, cuomu fa
(vitti e sparau) lu bravu cacciaturi. "

" L'anima mia tenaci aspetta: sa
ch'è cciú vivu l'affettu nel duluri
cuomu la fiamma ni l'oscurità! "

da: Voluntas tua, 1926


L'urtima guerra

Cu ntê càmmini ca cumànnanu
(cuomu rici lu muttu anticu)
e li puòpuli ca si scànnanu!
l'un all'àutru e pirchì? nnimicu,
basta rìciunu la patria:
basta sièmu piècuri stùpiti
tinti piècuri testa-calata
Ca ci attocca fari li lupi,
ni pigghiàu la gran fuddia
ca cciù miegghiu a l'ucciria!

mmarditti puopuli e cu ni cuverna,
ca nun c'è cciù riliggioni:
nun cririèmu a la vita eterna
e curriemu a la distruzioni!
ni sduffammu ri la campata
ca finìu giustizzia e amuri
e finissi testa-tagghiata
lu stissu munnu lu stissu suli,
fussi morti ri ntunnu nsumma
quantu spara l'urtima bumma!

quantu fussi l'urtima guerra
e addiu gioia la matina
ca ti susi e aruri la terra,
biniritti ri l'acquazzina
macci e sciuri e lu laùri

La cartullina

Cci mmannarru e la cartullina
a n-surdatu muortu.
A n-surdatu muortu
cci mmannarru la cartullina!

La cartullina e di riciamu
quannu hâ-ssìri c'hâ-ssìri guerra:
quannu hâ-ssìri c'hâ-ssìri guerra:
tutti pronti a lu riciamu...

La matruzza e finìu ri ciànciri
ppi lu figghiu c'avìa muortu:
caru figghiu ch'è beddu muortu!
La matruzza finìu ri ciànciri.

L'arcunè
(Arrarrò)

Les enfants sont tout l'horizon

Oh cchi beddu arcu r'amuri,
oh cchi beddu tricculuri
ca scìu fora l'arcunè:
pani vinu e uògghiu cc'è!

Tricculuri ri la paci,
Pruvirenza ca si cumpiaci
e n'ammustra l'arcunè:
pani vinu e uògghiu cc'è.

Lu dillùviu ca finìu,
torna e arriri suli ri Diu
ca fa n-cielu l'arcunè :
pani vinu e uògghiu cc'è!

Ca finìu timpesta e guerra
e s'abbrazzanu cielu e terra,
si furmau e l'arcunè:
pani vinu e uògghiu cc'è.

Arcunè ri paci e d'amuri
lu cciù miegghiu tricculuri,
tricculuri ri l'arcunè:
pani vinu e uògghiu cc'è!

da: 'U vascidduzzu, Messina, Il Fondaco, 1956

.................................................. ......................
Funti: http://userhome.brooklyn.cuny.edu/bo...P/vannanto.htm

L'ibblei parranu n sicilianu, mi pari. Certu ca i dialetti siciliani annu diversi modi di diri e l'accentu cancia picca picca. Ma parramu tutti a stissa lingua. E picchì scrivisti "nazionalista italiano"? Ai nu motivu?